(معذوره)
القلب هايم وفكري حارس سوره,,,,, واسمع لي اني أبين وش سبب خوفه
لو تسمع اللي أقوله قلت معذوره,,,,, ترى السوالف عن الأحباب معروفه
يجيك حس يشد القلب وشعوره,,,,, يملك كيانك وكن ايديك مكتوفه
تمشي على مابغا والنفس مبهوره,,,,, تتبع حبيبك وتسكن عينك طيوفه
وله صورة في ضلوع الصدر محفوره,,,,, والقلب لا قال أحبك يشتعل جوفه
حتى اسم ولفك تحبه من سنا نوره,,,,, تذوق طعم الحلا لو تنطق حروفه
والا العطا كل يوم منك له صوره,,,,, وتقول لا صد عنك عيت ظروفه
وتشوف نفسك غدت بالحيل مجبوره,,,,, على الصبر.. والعنا.. والشوق وصنوفه
تحتار الا.. من جفاك.. وتشتكي جوره,,,,, وتشوف موتك بعينك جاك بحتوفه
يحق لي لو اصير اليوم مسروره,,,,, وش لي بهم يجيني يصقل سيوفه
قصة جميل.. وبثينه قصه مشهوره,,,,, وشبيه مجنون ليلى.. دايم نشوفه
ومادام قلبي رهيف وسامع الشوره,,,,, على عذاب العنى مانيب مكلوفه .
صح لسانك اخوي اسبرين
سلمت يمناك فما قرأته عيناي
ليس مجرد كلمات انما مشاعر واحاسيس لشاعر
نسجت لنا اروع المعاني
فأبدعت في ماخطه قلمك من ابداع
تحيتي لك
مشكور اخوي على المشاركه مره روووووووووووووووعه
ماشاءالله
صح لساانك اخوي اسبرين …
ويعطيك العافيه ….وسلمت يمينك كلمات تفوق الوصف…
دمت بحب