كباب مشوي بالخلطة الآسيوية
لكل عشّاق التجديد، بنقدّم لكم النهارده طريقة عمل الكباب بالخلطة الآسيوية؛ يلا بينا على المطبخ علشان نشوف الطريقة…
كباب مشوي بالخلطة الآسيوية
المقادير:
كيلو لحمة مقطّعة مكعبات متوسطة الحجم
3 حبات ذرة حلوة مقطّعة قطع متوسطة الحجم (هتلاقيها في السوبر ماركت)
ثمرة فلفل أصفر مقطعة مكعبات متوسطة الحجم
ثمرة فلفل أحمر مقطّعة مكعبات متوسطة الحجم
ملعقة كبيرة فلفل أحمر حار مطحون
2 ملعقة كبيرة عصير برتقال
2 ملعقة كبيرة صويا صوص
2 ملعقة كبيرة زيت زيتون
ملح وفلفل أسود
الطريقة:
1- لتجهيز تتبيلة الكباب؛ هاتي طبق صغير واخلطي فيه الصويا صوص مع زيت الزيتون وعصير البرتقال والفلفل الأحمر الحار والملح والفلفل الأسود، وقلّبيهم كلهم مع بعض كويس.
2- ضيفي التتبيلة على اللحمة وقلّبيهم كويس مع بعض، وبعد كده دخّلي اللحمة الثلاجة لمدة يوم كامل؛ علشان تتشرّب من التتبيلة كويس وماتاخدش وقت معاكي في الشواء.
3- هاتي أسياخ خشبية، وابدئي في رصّ اللحمة فيها؛ كالتالي: قطعة لحمة تليها قطعة ذرة حلوة تليها قطعة فلفل أصفر تليها قطعة فلفل أحمر.
4- حطّي الأسياخ على الشواية الكهربائية أو دخّليها في فرن البوتاجاز على درجة حرارة متوسطة لمدة ساعة أو لغاية ما تلاقي اللحمة استوت، وبعد كده خرّجيها ورصّيها في أطباق التقديم.. وبألف هنا وشفا.
وبكده تكون خلصت وصفتنا النهارده..
يا ريت تجرّبوها وتبعتوا تقولوا لنا على النتيجة..
يسسسسسسسسسسلمو خيو
مننحرمش جديدك يارب
ودي 
كباب مشوي بالخلطة الآسيوية
تسلم ايدك علي التقديم دربكة
كباب مشوي بالخلطة الآسيوية
يسلموو علي
طرحك