كباب الفراخ بالخضار
كباب الفراخ بالخضار
المقادير:
½ كيلو صدور فراخ مقطّعة مكعبات متوسطة الحجم
ثمرة فلفل أحمر مقطّع مكعبات متوسطة الحجم
ثمرة بطاطس مقطّعة مكعبات متوسطة الحجم
ثمرة باذنجان مقطّعة مكعبات متوسطة الحجم
ثمرة طماطم مقطّعة مكعبات متوسطة الحجم
ثمرة كوسة مقطّعة مكعبات متوسطة الحجم
ثمرة بصل مقطّعة مكعبات متوسطة الحجم
ملعقة كبيرة بهارات فراخ (هتلاقيها عند العطار)
½ ملعقة صغيرة روزماري
أسياخ معدنية أو خشبية
3 فصوص ثوم مفرومين
¼ كوب زيت زيتون
½ كوب زبادي
كوب مية بصل
ملح وفلفل
الطريقة:
1- اخلطي مية البصل مع الملح والفلفل والروزماري وزيت الزيتون والزبادي والثوم المفروم، وبعد كده تبّلي بهم صدور الفراخ، وسيبيها في التلاجة مع التتبيلة لمدة 3 ساعات.
2- بعد كده، رصّي قطع الفراخ والخضار في الأسياخ؛ بحيث يكون ترتيبهم كالآتي: قطعة من صدور الفراخ، قطعة كوسة، قطعة باذنجان، قطعة بطاطس، قطعة بصل، قطعة فلفل، قطعة طماطم، وكرّري نفس الترتيب مع باقي الأسياخ لحد ما تخلص الكمية اللي عندك.
3- شغّلي شواية الفرن على درجة حرارة متوسطة، وحطّي أسياخ الفراخ بالخضراوات على صينية، ودخّليها الفرن، مع تقليب الأسياخ من وقت للتاني، لغاية ما تلاقي إن الفراخ لونها بقى دهبي، خرّجي الأسياخ من الفرن وحطّيها في طبق التقديم.. وبألف هنا وشفا.
كباب الفراخ بالخضار
يعطيك العافية اخي
كـل الشكر والتقدير على الموضوع
الراقي والمميز سلمت وسلم ذوقك
بنتضار كل جديدك بكل الود
موفق بإذن الله … لك مني أجمل تحية .
يسلموو احمــــد
اررق التحيه دووم متميززز 