نبذه مختصره عن الشاعر
علي بن محمد القحطاني
شاعر يمني الاصل معروووف ويلقب بشاعر الجزيرة
ابو ميسون
عاش وترعرع بين المملكه العربيه السعوديه والكويت
غناء له مطربين واولهم كان عيسى الاحسائي
ومنها بدأت شهرته
وهنا بعض من قصائده المميزه
كانك مسافر سمح الله مسيـرك
وان كنت بالديره لزومن تجينـا
يكفيك لاناظرت صورة عشيـرك
وانته تنقل بيـن مينـا ومينـا
اذكر ليالينا وحاسـب ضميـرك
ماهوب حقن تشعل النـار فينـا
الحال من بعدك عسى الله يجيرك
عندك خبـر ياسيـد العارفينـا
اذكر ليالي كنت اجيك استشيرك
بالخير نذكر ماضيـات السنينـا
واليوم لاتبعد ونجهل مصيـرك
اقل حال ارسـل كتابـك علينـا
ياضايق أبشر بالفرج من وراء الضيق
ضاقت ، وعند الله وسيعات الأبـواب
من رحمته توسع جميـع المخاليـق
لكن تحرك .. كل شيء لـه أسبـاب
وأعمل بصدق وحق .. تلقى التوافيق
تحكي ومن يقدر يقول انـت كـذاب ؟
لاحدتك دنياك تصبـح علـى الريـق
تعمـل وتالـي نجـم لليـل ماغـاب
وإن كان حطيت المداكـي صناديـق
والبنك له مكتـب وكاتـب وحسَـاب
إرقـد بغرفـه ماتجيهـا الطواريـق
ماغير مـن هـو للمسـرات جـلاَب
دنيـاك خضـراء زاهيـه بالزماليـق
ومن حيث تتوجه يلاقـوك الأحبـاب
يامـن بحمـده سبـح(ن) البواريـق
والرعد سبَح وأدهـم المـزن سكَـاب
تنبت عليه اغصون خضراء مواريـق
ياخير من يدعي ،، وياخير من جـاب
تفرج هموماً نارهـا فـي المعاليـق
يسري بها هاجـوس للنـوم نهَـاب
إن كان مالك ربع يحمـوا جنابـك
عزي لحالك من تهاويل الاخطـار
ياللي على بالي حسبنـا حسابـك
أنته وربعك ياقصيريـن الاشبـار
ولَت نِعـم دنيـاك واقبـل عذابـك
تلقى جزاء عيبك وغدرك والانكـار
والله لتشكي من عذاب(ن) لجابـك
واقصيك من دار(ن) وانزلك في دار
يوم انت في الهيجا تعطف حرابـك
وتقاد بأنفك غصب .. مانته بمختار
مستقبلك مستنظـرك ياهـلا بـك
افحص عصب رجليك من قبل تنهار
ودعوني وقلبـي مايطيـق الـوداع ×××واشعلوا نار قلبـي لاجزاهـم بخيـر
واتركوني معرض بعدهـم للضيـاع ×××عقب ماغادروني قلت : ماني بخيـر
وين راحوا بمدعوج العيون الوساع ؟ ×××خاف قلبي على فرقا الحبايب يطيـر
ماحلا الوصل بالاحباب بعد إنقطـاع ×××في البلاد الغريبـه اذكرونـا بخيـر
شفت طيارة المجمول باعلى أرتفـاع ×××يوم مديت له يدي .. ذراعي قصيـر
خايـف السـر وإن طـوَل يــذاع ×××شايف الوقت عذاله معانـا كثيـر !
البكاء ياعيونـي مايجيـب إنتفـاع ×××والليالي طويله .. والزمن يستديـر
طبعك تغير والزمـن للجفـا مـال !
انته معي والإ معا وقتـي الشيـن ؟
ماسرع ظروفي غيَرت كـل الأحـوال
كل(ن) تغيَر والمهـم ، إنـت يازيـن
كنت أحسبك في شدتي مالك أمثـا ل
عيش أنا وأنته على العسـر والليـن
لقيت طبعك في المِحن طبـع الانـذال
طماع ماتشبع عيونـك مـن الطيـن
لاتحسب الايـام تبقـى علـى حـال
وكل(ن) له افعال(ن) على صاحبه دين
أذكَرك لوكنـت فـي الصيـن حـلاَل
بسيـط يامخلـف عهـود المحبيـن
إن كان قـد غـرك جديديـن الازوال
انته وانا والصبـر والوعـد بعديـن
غرس المحبـه بيننـا مابعـد طـال
من قبل نجني منه الخـوخ والتيـن
يالله يا عالم بمـا يخفـي اليـم
يا مخرج ٍِ يونس من الحوت حيا
يا فارج الضيقات يا جالي الهـم
يا باعث من ليـس بعـده نبيـا
تمحي خطايانـا وتغفـر وترحـم
يـارب لا تكتـب عليـا شقـيـا
يسري خيالي في دجى الليل الاظلم
وامعن بما تصنـع وفكـر مليـا
على مدى الازمان والسـر مبهـم
ما نال مخلوق من الغيـب شيـا
نزل على هـام الكواكـب وخيـم
يبغا اكتشاف الغيب والغيب عيـا
العلم فـي كـل النواحـي تقـدم
واسرار غيبك علمهـا مـا تهيـا
العبـد لـو فكـر بنفسـه تفهـم
من نطفة الماء صار حيا سويـا
لاتنتظـر مـنـي رسـالـه وهـاتـف
تٌبطي علـى ذا الحـال والخـط ماجـاك
أنـا ادري إنـك تستـغـل المـواقـف
تزعل علًـي دايـم وأنـا أدوَر رضـاك
اليـوم ياروحـي وعيـنـي مخـالـف
شفنـاه ماينفـع مـعـك طبعـنـا ذاك
أشغلتنـي وأزعجتنـي وأنـت عـارف
آخـر قـراري يٌصعـب العيـش ويًـاك
الشاعـر اللـي يحتـكـم للعـواطـف
مايـأخـذ الحيـطـة ولاعـنـده إدراك
إلا صحـى مـن غفلتـه فـز واقــف
طبيعتـه حـسـاس جــداً وشـكـاك
وأصبح يدقق في القصـص والسوالـف
حتـى يقارنهـا بمـا أخـذت وأعطـاك
بالكـذب عيًشتـه معـا حـب زايــف
اللي فرش لك ورد .. تفرش له أشواك !!
واليـوم خلـك فـي مهـب العواصـف
حاطت بـك السيـات يـوم الله أعمـاك
غرني وقتـي وانـا ماكنـت فاهـم
كنت اقول إني بدون المـال غالـي
اكتشفـت ان المحبـة بالـدراهـم
قوتك في الحب مـن قـوة ريالـي
مادريت انك معـي مثـل المساهـم
الهـوا منـك ومنـي راس مالـي
جـرح غـدرك ماتداويـه المراهـم
عشت ماقصرت رديت الجـزاء لـي
من هو اللي عاش مثلي حبي واهم ؟
ضاعـت أيـام المحبـة والليالـي
من رداء مخباي .. بيًن لي رداهـم
والله إني مانسيـت اللـي جرالـي
يوجدوا غيري وأنـا أدوَر سواهـم
العـذارى مالهـم ياعيـد والـي !
عفى الله عن ماضي مضى زين ولاشيـن
مسامح كريـم ولامثيـر الزعـل حاقـد
لعله ندم عـن مافعـل صافـي الخديـن
لعلـه تكـلـم غيـرنـاوي ولا قـاصـد
صفات التسامح والرضا من صفات الدين
وكل القلـوب الله علـى غيبهـا شاهـد
وكثر التجني والزعـل طبـع ماهوزيـن
ولاهي سجية من سجايا الفتـى الماجـد
وهذا زمن والناس تمشي علـى وجهيـن
بلا خـوف مـن ربـي ولانقـدة الناقـد
مجرد زعل يتباشروا فيـه بيـن الاثنيـن
يدسوا فتنهـم واصبـح الـراي متباعـد
وقد يعتريك الخوف من حامـل السكيـن
ويغدربك اللي ماتـرى الشـك بـه وارد
وينسى الخطا المخطي ويذكره راعي الدين
نعم يسهر المظلـوم واللـي ظلـم راقـد
وحتى الأمور اللي تجاوز خصـام الزيـن
تطلب شجاعه صبر خلـك لهـا صامـد
تسرعك يضعف حجتـك لومعـك حقيـن
بكشف الحقايق تكسب انصـارك الواجـد
ولايضيع حق لصاحبه لومضى له حيـن
تقرب مقاديـر السمـاء الظالـم الشـارد
يذلوا خصيمـك نـاس بالحـق متهميـن
يجـي طيـب ولاجابتـه قـوة الساعـد
درست الحياة وعلمتنـي لزيـن وشيـن
ومن لا اتعظ ماهـوب عاقـل ولاراشـد
الله من هـمٍ علـى ضامـري لـح
والعقل مـن كثـر التفاكيـر هايـم
ياقلب لاتشكـي همومـك وتشـرح
دنيـاك مايبقـى لهـا حـال دايـم
أحمل جفا الصدقان ياقلب وأسمـح
لاتجعل الأشياء الصغيـرة عظايـم
واعلم ترى اللي ينكسر صعب يصلح
ولو صلـح تبقـى عليـه العلايـم
إعرض عن الجاهل على شان تربح
تصون نفسك عن جميـع الشتايـم
مهما تصكر بـاب .. لابـد يفتـح
ترى الفرص للناس مثـل الغنايـم
هذا نظام الكـون تزعـل وتفـرح
تقلـب الأحـوال مثـل النسـايـم