(حال البشر)
ياللي بسوق الطيب ماتفرق السوم,,,,, الطيب ماله بين الأجواد حاكر
لا تشتكي للناس لاصرت مهموم,,,,, وتقول من دنياك شفت المناكر
تقبل بك علوم وتقفيبك علوم,,,,, ويشعفك برق في دجى الليل ساكر
واليا غدالك مع طيور الفضا حوم,,,,, تحيا وتنسى بعض ماكنت ذاكر
واعرف ترى حال البشر مالها دوم,,,,, لامن صفالك مشرب كان عاكر
وش قيمة الدنيا ليا صرت ملزوم,,,,, بالرحلة اللي ماعليها تذاكر
والنقص في بعض البشر يرث الزوم,,,,, ومن يجحد الأنعام ماهوب شاكر
وإن ذمك الجاهل فلانته بمذموم,,,,, لا راوزك خطوى ضعيف يجاكر
في منزل الأحرار ماينزل البوم,,,,, للبوم عش وللنوادر مواكر
واليا ضحك من حالتك علية القوم,,,,, قل له مادامك للتماثيل فاكر
ياضاحك باللي تعديته اليوم,,,,, لا تبكي اليا من تعداك باكر .
هر
اسبرين
قصيده روعه وتسلم ايدك ..
لا تشتكي للناس لاصرت مهموم,,,,, وتقول من دنياك شفت المناكر
صح لسااانك اسبرين وتسلم يمينك….قصيده رائعه…
دمت بروعتك
<<< من اول تتنتظر جديده
يعطيك الف عافيه وصح لسان يا الغلا ولا عدمناك
قصديه رائعه وليس جديد عليك الابداع والتالق
دائم مبدع بمعانيك الهادف وقصائدك الررائعه
والنقص في بعض البشر يرث الزوم,,,,, ومن يجحد الأنعام ماهوب شاكر
في منزل الأحرار ماينزل البوم,,,,, للبوم عش وللنوادر مواكر
صح لسانك اخوي اسبرين
لك ودي ووردي