يارحلة العمر الشقاوي علـى ويـن
تغريب ذاتي به تطـول المسافـه
احمل شعـاراتٍ تبعثرنـي سنيـن
ولا شفت من سود الليالـي لطافـه
شعوري بوحده بوسـط المحبيـن
احساس يذبحني وصعب اكتشافـه
أعيش في دنيـا خليـة مضاميـن
رجالهـا يفاخـر بكثـر انحرافـه
وقت المصالح والحسـد والتلويـن
من فيـه شيمـه أومعـزه يعافـه
لااقفي نهاري وغمضت منه العين
بديت مسرى لوعتي مـن ضفافـه
واجر مع صـوت الربابـة تلاحيـن
تـذوب شراينـي أم مـع حسافـه
يا مكبر التغيير بين أمس والحين
أكبر من الواقع وكذب الصحافه
وقت التطور لـي نـدر بالوفييـن
يبيـن للعاقـل كثـيـر اختـلافـه
كم ذيب غدرا ضاع بين الزمانين
أوجنبه ركـب الظعايـن وطافـه
يجر العوا حسرة ولامـن مجيبيـن
فاصل زمانـه حطمـه يـوم خافـه
وكم حر عاجـز ماتشلـه جناحييـن
الأسـم باقـي أوبعـد بالإضـافـه
شانت له أيامـه ولا ظنـي تزيـن
ويا سقم حالـه لا شعـر بالضعافـه
وأنا على رجوى الأمل والله ايعيين
جبل يعاني مـن السمـوم وجفافـه
ماهمني مظهـر ولامـال ٍ ايهيـن
أبغي الجدا لأهل الـردا واللقافـه
يالله لاتقطـع بقـايـا الشريفـيـن
وكل واحدٍ صوب المعالي انعطافه
ووجدي على من حافهم نازع البين
رجـالٍ مواقفهـم بعـز ونظـافـه
يالله ترحمهـم برحمـتـك آمـيـن
من عقبهم أحـس هالوقـت تافـه
رحله جميله حلقنا بها مع جميل الحروف شكرا طيف على رقيق الكلام