فراخ تندوري.. طعم جديد للفراخ المشوية
فراخ تندوري
المقادير:
كيلو وراك فراخ مغسولة ومنزوعة الجلد
ملعقة كبيرة بابريكا "هتلاقيها عند العطار"
ملعقة كبيرة توابل هندي "هتلاقيها عند العطار"
ثمرة فلفل أخضر مقطّعة قطع صغيرة
بصلة كبيرة مقطّعة قطع صغيرة
2 ملعقة كبيرة عصير ليمون
قطعة صغيرة زنجبيل طازة
ملعقة صغيرة كزبرة ناعمة
ملعقة صغيرة كمون ناعم
¼ ملعقة صغيرة كركم
½ ملعقة صغيرة كاري
5 فصوص ثوم مفرومين
ملعقة صغيرة شطة
ملح وفلفل أسود
كوب زبادي
الطريقة:
1- جهّزي تتبيلة الفراخ؛ بإنك تضربي كل المقادير الموجودة عندك ما عدا الفراخ في الخلاط.
2- هاتي وراك الفراخ، واعملي بها شقوق باستخدام السكينة وده علشان الفراخ تتشرّب التتبيلة كويس.
3- وزّعي التتبيلة اللي عندك على الفراخ، وبعد كده دخّلي الفراخ بالتتبيلة اللي عليها في الثلاجة لمدة يوم كامل، بس خدي بالك إنك تقلّبيها أكتر من مرة؛ وده علشان تتأكّدي إن الفراخ كلها شربت من التتبيلة.
4- رصّي وراك الفراخ في صينية ودخّليها فرن على درجة حرارة متوسّطة، وسيبيها لمدة ساعة ونص أو لغاية ما تلاقيها استوت وبقى لونها دهبي، حطّيها في أطباق التقديم.. وبألف هنا وشفا.
فراخ تندوري.. طعم جديد للفراخ المشوية
مبين طيبة
يعافيكـ ويسلمكـ
كـل الشكر والتقدير على الموضوع
الراقي والمميز سلمت وسلم ذوقك
بنتضار كل جديدك بكل الود
تسلم الايادى ودايمااا فى تقدم راائع بتوفيق ان شاء الله
تحياتى ليك 