طريقة عمل ضاجن بطاطس باللحمة
طريقة مميزة لعمل طاجن البطاطس باللحمة
عدد الاشخاص
4
الوقت
وقت التحضير : 20 دقيقة
وقت الطهي : 45 دقيقة
الوقت الكلى : 1 ساعة 5 دقائق
الادوات المستخدمه
ورق فويل
حلة ضغط
طاجن فخار
المقادير
4 x عدد بصلة
2 x عدد فلفل أخضر حلو
2 x معلقة كبيرة صويا صوص
2 x معلقة كبيرة سمن
1 ½ x معلقة صغيرة ملح
1 x معلقة صغيرة فلفل اسود مطحون
1 x كيلو طماطم
1 x معلقة صغيرة بهارات لحمة
1 x معلقة صغيرة كبابة صينى
1 x كيلو بطاطس
½ x كيلو لحمة بتلو
½ x معلقة صغيرة جنزبيل
½ x معلقة صغيرة قرفة
الخطوات
هنحط شويه سمن في حله الضغط و نقطع بصلتين طرنشات و نحطهم علي السمن ونقلبهم لحد ما يصفرّوا.
هنضيف اللحمة والصويا صوص والقرفة والجنزبيل والروزمارى ونصف معلقة فلفل والكبابة الصينى ونقلب اللحمة لحد ما تاخد لون (تحمر قليلا).
نضرب 4 حبات طماطم فى الخلاط ونضيفهم على اللحمة ونكمل بماء بحيث نغطى اللحمة تماما.
أول ما الصوص يغلى هنغطى حلة الضغط وتترك لمدة ربع ساعة على النار.
بعد ربع ساعة هنضيف نصف معلقة صغيرة ملح وناخد قليل من الصوص بالكبشة و يترك جانبا فى كوب. وهنسيب اللحمة على النار فى باقى الصوص لحد ما ينشف وبعدها ترفع من على النار وتترك جانبا.
نقطع البطاطس ترانشات وهنجيب بصلتين نقطعهم ترانشات.
فى طاجن فخار على النار هنضيف معلقتين سمن وبعدين نضيف ترانشات البصل ونقلب لحد ما يصفر.
نضرب نصف كيلو طماطم فى الخلاط ونضيف عصير الطماطم على البصل.
نضيف على صوص الطماطم معلقة صغيرة ملح ونص معلقة صغيرة فلفل اسود ومكعب مرقة دجاج, ونسيبه على النار حتى يتماسك.
نرّص ترانشات البطاطس فى الطاجن الفخار وبعدين هنضيف كوب الصوص الى أخدناه من حلة اللحم ونكمل بماء حتى نغطى البطاطس ونسيبهم يغلوا فى الماء من 10 – 15 دقيقة.
نضيف اللحمة على الوش وفوقيها ترانشات فلفل أخضر وطماطم.
نغطى الطاجن بورق فويل ويدخل الفرن على درجة حرارة 200 درجة مئوية لمدة نصف ساعة.
بعد نصف ساعة هنشيل الفويل ونشغل الشواية ونسيب الطاجن تحتها 5 دقائق ليحمر الوجه.
المصدر/ منتدى الأســرة > مطبخ نهر الحب – Kitchen