طريقة عمل الكريب
الكريب من أكلات المطبخ الفرنسى وممكن نعمله حلو أو حادق, العجينة هى هى والى بيفرق بس الحشو..
عدد الاشخاص
4
الوقت
وقت التحضير : 1 ساعة 5 دقائق
وقت الطهي : 5 دقائق
الوقت الكلى : 1 ساعة 10 دقائق
الادوات المستخدمه
طاسة
مضرب يد
وعاء زجاجي كبير
المقادير
4 x عدد بيضة
3 x كوب (240 مللى) لبن كامل الدسم
2 x كوب (140 جرام) دقيق
1 ½ x معلقة صغيرة سكر
1 x معلقة صغيرة ملح (ممسوحة)
½ x كوب (240 مللى) زبدة (سايحة)
½ x معلقة صغيرة فانيليا
الخطوات
فى بولة كبيرة هنضيف البيض والفانيليا والسكر والملح ونضربهم كويس جدا بمضرب بيض.
هنضيف اللبن وخليط البيض على الدقيق فى بولة ونخلطهم بالمضرب بسرعة علشان متتكونش كتل فى الخليط.
هنضيف الزبدة السايحة ونقلب كويس جدا وبعد كده هنغطى البولة بورق نايلون ونسيبها فى الثلاجة لمدة ساعة.
هنجيب طاسة مسطحة كبيرة وبالكبشة هنحط العجين فى الطاسة ونحركها على الجنبين علشان العجينة تملى قاعدة الطاسة كلها.
هنسوى الكريب 40 ثانية وبعدين نقلبه على الوش التانى كمان 20 ثانية وبعدها يبقى جاهز للتقديم.
ممكن نقدم الكريب مع صوص الشيكولاتة أو العسل, أو ممكن نحشيه باللحمة المفرومة ونسويه فى الفرن مع صوص الباشميل.. بالهنا والشفا.
المصدر/ منتدى الأســرة > مطبخ نهر الحب – Kitchen