طريقة عمل التونة زى الجاهزة بالظبط 2024.

الصوص:
رأس ثوم + ملح وكمون + نص كوب زيت + ربع كوب خل + عصير تلات لمونات

الطريقة بقى:

طبعا هنغسل السمكه كويس بعد تنظيفها وأفتحها للأخر وأنزع منها سلسلة الظهر بتاعة الشوك وهتطلع بسهوله وهقطعها فصوص كبيره وهى لونها زى اللحمه غامق كده بس ما تقلقيش من اللون بعد السلق بتفتح خالص.

وطبعا تبلتها بالثوم والليمون وكمون وملح وفلفل وسبتها.

وبعدين حطيت حله على النار فيها ماء وجزر وليمون وكمون وبصل وورق لورا و ملعقة خل وعلى النار لغاية ما يغلى

وبعدين أضع السمك المتبل بهذا الماء المغلى ( بس لو سمك ماكريل هنسويه ع البخار عشان ميتهريش)

وأتركها حوالى ساعه وما تقلقيش من طول المده لان السمكه تبدو طريه بس لما تحطيها تسلق بتشد شويه لانها شبه اللحمه زى ما قلت قبل كده

وبعدين نطفىء النار ونصفيها فى مصفه وهتشوفى لونها افتح ازاى.

فصصته فصوص متوسطة الحجم
وبعدين أعمل الصوص

عباره عن رأس ثوم وأدقها بملح وكمون —- وحوالى نصف كوب زيت —- وربع كوب خل —- عصير ثلاث ليمونات

وأضع كل مقادير الصوص على النار وأضع فيها فصوص السمك وأتركها تغلى مدة عشر دقائق لتتشرب جزء من الصوص وبس كده خلاص أتركه يبرد .

وبعدين ممكن أضعه فى علب فى الثلاجه لحين الاستعمال…ولو الصوص قليل أزود شوية زيت على وجهه للحفظ