السلام عليكم ورحمة الله وبركاته
خلاص ومـاتـت الـبسمه وحارت خطوة الاقدام
ولالي غير ذكراكـم أسولف في طواريها
علامــك نـاويـن تـرحـل وتتركني مـع الاوهـام
ترى بعدك علي اكبر من الدنيا وما فيها
تودعني وانا ضايق ودمعي بــلــل الأكـمـام
عسى ليلة وداعك ما يعيد الوقت ماضيها
نسيت الـوصل والـطـيبه نسيت الحلم والأحلام
نسيت اللي علشانك ولو يصعب أسويها
نــسيت عـيون تـسـهـر لك وعينك تتركه وتنام
نسيت الشعر وحروفن على شانك قوافيها
نسيت الشوق واللهفه اذا شفـتـك بـعد أيـام
أعاتب ليلة وحده تروح ولا تجي فيها
نــسيت احلامـنـا كله ونـحـلم وش يجي قدام
نقول الحلم يتحقق ولو طالت لياليهـا
ترى لو طول غـيابـك أحس بـساعـته اعوام
أحس البعد ما يرحم واقوم احسب ثوانيها
نسيت شلون بيدينك تعلم مـسكة الـمرسام
كتب اسـمك على كفه وبلسانه يهجيهـا
أشوفك ما تبي تحكي أو ان الــبال مـنـك هام
تكلم قول أي كلمه عسى ناري تطفيها
وذاب البوح من بعدك وماتت نشوة الأقـلام
وعقبك يا بعد حالي حياتي من يسليها
فديتك لا تعاتبني اذا من عقبكم مــنــظـام
ترى نار الغلا تحرق وتكوي رجل واطيها
أشوف فراقك بعيني مع اسراب الليالي حام
عشان الروح لا ترحل عسى ترجع وتحييها
مدام انك خذيت اغلى شعوري واصدق الالهام
تعال وخذ معك روحي ترى لاغبت ما ابيها
وسلامة قلب من تابع ولاهان ناظره
نــسيت عـيون تـسـهـر لك وعينك تتركه وتنام
نسيت الشعر وحروفن على شانك قوافيها
تقديم جد راقي اخووي معاند
ما قصرت يعطيك العافية
صح لسان قايلها
تحيتي
وعليكم السلام ورحمة الله وبركاته
ترى لو طول غـيابـك أحس بـساعـته اعوام
أحس البعد ما يرحم واقوم احسب ثوانيها
صح لسانك وعلا شانك
راق لي ماطرحته دووووم مميز
يسلمك ربي 
أشوف فراقك بعيني مع اسراب الليالي حام
عشان الروح لا ترحل عسى ترجع وتحييها
مدام انك خذيت اغلى شعوري واصدق الالهام
تعال وخذ معك روحي ترى لاغبت ما ابيها
معاندك ياحب
قصيدة قمة بالأبداااع والروووعة
قصيدة نثرت بين الحنـايا اروووع الكلمات
دمت لنا ودااام نثرك الراااقي
أرق التحــايا واعذبها
والديكم الجنه ولاهنتوا على راسي والله