بعد الجوع شبع
وبعد المرض عافيه
وبعد الفقر غنى
وبعد السجن حريه
وبعد الحزن فرح
وبعد الدمع ابتسامه
وبعد الكرب فرحه
وبعد العسر يسر
بعد العسر يسر
بعد العسر يسر يا اخواتي
بعد العسر يسـر
قبل ما اارحب فيك يا اختي العزيزهـ .. و من دون ما اكتب مقدماات غلاتي .. راح ابدى معاك كلامي .. بذكر الله الحكيم اللي خلقك لحكمه يعلمها هو سبحانه صابتك كل هالهموم لحكمه يعلمها ربي اللي خلقني.. الواحد اللي مافي منه اثنين مافي ديانه قدرت توصل للراحه النفسيه اللي نحن المسلمين نعيشها الحمدالله والشكر لك يارب.. الرحيم اللي يرحمنا يفرج همومنا وينصرنا على اعداءنا ويسترنا في الدنيا والاخرة .. الاحد الجامع اللي يجمع كل وحده بزوجها يجمعها بذريتها يجمعك بنصك الثاني زوجك من وين ما تحتسبين ولا تعلمين مهما قلتي انا وصلت سن اليأس ومستحيل اتزوج وفجأه ب لمحه بصر تلقين نفسك لابسه فستانك الابيض .. المعين اللي يعينا على عبادته وحمده وشكره يعينا على همومنا و كظم غيظنا ..الكريم اللي مايبخل على عبده ما سألناه الا واعطانا ما حمدناه الا و زادنا..
>>>>>>قولي معاي.<<<<<
لا اله الا الله
استغفر الله واتوب اليه
سبحان الله
الحمدالله
الله اكبر
لا حول ولا قوة الا بالله
حسبي الله ونعم الوكيل
لا اله الا الله
استغفر الله واتوب اليه
سبحان الله
الحمدالله
الله اكبر
لا حول ولا قوة الا بالله
حسبي الله ونعم الوكيل
راح اكتب لك هالموضوع بدم قلبي..بدمع عيني..ب ابتسامه شفاتي..عشانك انتي وبس..اي انتي .. لنفسك..لقلبك..لحياتك..لذاتك.. لانوثتك.. لانك من صنف النساء..اللي وصى فيهم الرسول صلى الله عليه وسلم ..
افضي لي شويه .. ركزي انتباهك معاي..انتي مادخلتي هالموضوع..الا وفي قلبك حتى لو ذرة من الحزن..لا تنكرين.. منو فينا خالي؟؟ ..الله يبعد الحزن عن قلوبنا اجمع يارب ويسعدكم دنيا واخره..
منو فينا ما عاش هموم..تتفاوت..صغيره..وكبيره..ا للي امها ماتت..اللي ابوها مات..فينا اليتيمه..فينا العقيمه..فينا اللي مو متزوجه..فينا اللي تدرس..فينا اللي تدور شغل..فينا اللي تستنى اللحظة اللي تبتسم فيها..بس للاسف..هالابتسامه مو راضيه تجيها..
فينا وفينا .. نحن انواع واصناف..الله خلقنا..
تدرون منو اللي خلقنا صح؟؟
الله خلقنا..
الله الكريم
الله الحليم
تحملنا وتحمل ذنوبنا و معاصينا يالله شكبرها من معاصي فينا اللي زنى فينا اللي مابر بوالديه رماهم في دار المسنين من دون مايفكر فيهم فينا وفينا وفينا..الله اعلم..
اقري اسامي ربك و تفكري مو بس تقرين و تمشين عيونك.. لايقص عليك الشيطان يا اختي..اقريهم وتأملي في اسم اسم..بتحسين بقشعريره .. اقري..وبنكمل الموضوع..
مهما كان همك..شكبره..شصغره..تراه عند ربك مايسوى جناح بعوضه..هالدنيا باللي فيها ما تسوى عند ربك جناااح بعوضه..عرفتوا؟؟ هذي البعوضه اللي نحنا البشر نطيرها بهوانا..هالدنيا كللللها اللي مسوين لها قدر ما تسوى عند اللي خلقنا جنااح بعووضه..
ان مع العسر يسـرا
خانك زوجك..تطلقتي..ماتزوجتي..زوجك مات..انتي في مصيبه لا يعلمها الا الله..ما عندك ذرية صالحة..عيالك مايبرون فيك.. ما عندك فلوس..ما عندك بيت..ما عندك اهل..ما عندك ام حنون..
هاذيل كلللللللهم بدنياهم مايسوون عند الله جناح بعوضه
شلون تهتمين..وانتي لك رب
ينزل في جنح الليل 
في جنح الليل
الناس نيام
المغفلين نيام
وربهم اللي خلقهم نازل على هالدنيا الفانيه
يسألنا
تخيلوا.. يسألنا رب العباد العظيم الحليم الكريم..يسألنا
الله ينزل إلى سماء الدنيا في ثلث الليل الآخير فيقول هل من سائل فاعطيه هل من داعي فاستجيب له هل من مستغفر فاغفر له
[CENTER]مافيها شي ظبطي منبهك .. وقومي من النوم..بسنا نوم .. بسنا الم .. بسنا حزن
اصحي من الغفله
اصحي
قومي
>>>>>>افرشي سجادتك<<<<<
اسألي ربك
يعطيـــــــك
ادعي ربك
يستجيـــب لك
استغفري عن ذنوبك
يغفـــرلك
يالله ياارب..شفتوا الكرم.. ونحنا مضايقين وشايلين هم الدنيا على راسنا..وننسى انه في رب فوق اكرم الكرماء مالك الدنيا ومافيها ..
قوووومي
استغفري
سبحي
حمدي
هللي
ادعي بيقين
اوثقي في ربك اوثقي ثقه تاااااااامه
سلمي له نفسك
كوني ل ربك كما يحب الله ان يكون عبده
يكون الله لكي كما تحبين
حبي ربك اوثقي فيه اضمني انه الفرج قاااااااادم..الفررج قااااااادم
الدنيا تغيم
وصدورنا تضيق
لاكن لابد للغيم يروح وينجلي..وتسطع الشمس وتنور حياتنا..
مابقى لاحلامنا الا القليل لتتحقق
مابقى لهمومنا الا القليل ل تنجلي
بس ..
بس يا اختي!!
شلون تبين تتوبين
وانتي تسمعين اغاني
والمكياج قدام هذا وهذا
و النقاب ياريتك تشيلينه لو هذا منظرة!! النقاب مو عشان تبيينين لنا عيونك المكحله و الغمزات للشباب و ساتره نفسك بالنقاب.. لا ياقلبي النقاب مكانه ارقى وارقى وارقى..ما تتخبى وراه الا اللؤلؤه اللي زوجها يتعب ويغوص البحار ويعرض نفسه للمخاطر عشان يفوز بلؤلؤة تربي عياله وتصونه وتصون بيته..
الشعر برا .. مافي حجاب يستره
البنطلون ماسك عليك..اللي يبي يشوف..
ما صنتي نفسك
تتكلمين عن فلانه وفلانه والحش اللهم ياكافي
تحبين فلان مووت وماتقدرين تتركينه والسبب انك ماتقدرين و بس!! نسيتي رب العباد..نسيتي..اغراك بكلامه الحلو قالك احبك..فديتك..بتزوجك..انتي قمر مستحيل افوتك ..طيب وينك؟؟ يلا تعال اتقدملي..بيتنا تدله..انا بنت ناس..انا لي اب عظيم وام عظيمه ربووني..انا جوهره..يا ذيب لا تفكر بكلمتين تملكني و تخليني اخون اهلي واكسر ظهرهم لا والمصيبة تبيني اعصي ربي عشانك انت..من تكون.. تبيني اتزوجني راح اكون حلالك..ماببخل عليك..ولا بتبخل علي..بس حلال يا فلان تسمع ؟؟ حلااااااال
ياما سمعنا قصص وانتي بنفسك بتشوفين اليوم اللي بيخونك فيه بتلقينه راح لصيدة جديده مثلك..استسلمت لكلام معسول..اخرته درب مليان بالالم والشوك..والغدر..والدم..وفي الاخر..لما تصحين من الغفله تلقين نفسك بعيييييده من ربك..ابعد ما يكون..
شلون فهميني
ياحبيبتي
ياقلبي
الدنيا فاااااااانيه
اتمني
وادعي انه الله يرزقك كل اللي تتمنينه ان كان خير لك
لاكن مو معناته انك عايشه حياتك بالمعاصي..والله انا مستغربه..كل ما البنات لقولهم وحده ما تسمع اغاني..ولا ماتكشف نفسها قدام الرجال..قالو مطوعه و معقده ومو عايشه سنها وحياتها
طيب يعني اعيش حياتي بمعاصي؟؟
حبيبتي لا تبيعين اخرتك
عيشي حياتك..بس مو على حساب اخرتك
باجر بنوقف كلنا بنتحاسب قدام الملأ .. لساننا بيتكلم..اصابعي بتتكلم..رجولي بتتكلم..عيوني بتتكلم..شنو شفت..شنو قلت.. في اي درب مشيت..شنو سمعت..
ابدي حياه صحيحه .. عيشي حياتك .. بس بطريقة ترضي ربك..قبل ما تسوين كل شي..اسألي نفسك.. هل هالشي لو سويته راح يرضى ربي عني..
نصيحه مني لك..لا تتركين الاستغفـآر
هالشي تكلمنا عنه بما فيه الكفايه
ربك قال في قرءانه الكريم.. استغفروا وربي راح ينزل علينا الخير مدرااار.. يعني خير ورا خير ورا فرح ورا سعاده..
استغفري
استغفر الله واتوب اليه
استغفر الله واتوب اليه
استغفر الله واتوب اليه
كل مالقيتي نفسك فاضيه..جالسه تطبخين..على وشك النوم..تتسبحين..تلبسين..في السياره..استغفري بقلبك او بلسانك..وابشري بالخير عااد.. عاد انسي الهموم وقتهاا..ابشري ابشري ياقلبي الخير جااك
والحين
نصيحه لكل مهمومه..مكروبه..
صلي قيام الليل..واظبي عليه..بشكل يومي..اي ليش لا ؟ لا تقولين تعب.. يكون فيني نوم.. ياحبيبتي ربك نازل الارض يوميا يستنانا ندعي عشان يستجيب..نطلب عشان يجيب..نستغفر عشان يتوب علينا..لا تفوتين الفرصه..اليوم انا وانتي نتفس..باجر احنا في قبرنا..نتحسف على كل لحظه راحت علينا..كل ثانيه نبكي بدالها دم مو دمع ..
في يوم راح يجينا ونحنا في هالحفره.. لا علينا ولا حوالينا..
لا جمالنا اللي عرضناه قدام اللي يسوى ومايسوى بينفعنا
لا الاغاني والمطربين اللي حبيناهم بينفعونا
لا الشخص اللي حبيناه وكلمناه ع التلفون والماسنجر و قلنا انها علاقه حب بينفعنا بالعكس هو اول واحد بيتخلى عنا ..[/
CENTER]
والله..والله ثم والله..ما بتفيدك غير مسبحتك اللي سبحتي واستغفرتي فيها.. وقرآنك اللي قريتيه..وامك وابوك اللي بريتيهم..وكل انسان يدعيلك بعد موتك بسبب معاملتك الطيبه..صدقيني..وانتي عارفه هالشي..لاكن الدنيا غرتك بمشاكلها وهمومها..
ابتعدي عن الحرام
ابتعدي عن اللي يغضب ربك
وان كنتي ملتزمه اتأكدي انه من حب ربي لك..ابتلاك..صابتك هموم..ربي من زود ما انه يحبك من كل هالخلق..ابتلاك انتي بذات..يبي يشوف صبرك..ايمانك..يبي يشوفك تدعين له كل يوم..يبي يشوفك تهجرين نومك لجل تدعين له..يبي يشوفك رافعه ايدك له دوم..بيستجيب لك..صدقيني..لاكنه يحبك يبيك تدعينه دوم..وبيي اليوم اللي بتشوفين فيه الفرج من كل مكان
بتتزوجين
بتشوفين الذرية الصالحه
بترزقين بفلوس و وظيفة
بزوج صالح
كلللل اللي تتمنينه
والاهم .. جنه الخلد.. اللي نحنا خالدين فيها..
لا تغرك الدنيا
لا تغرك الدنيا اختي
لا تغرك الدنيا
اختي المكروبه
اختي المهمومه
اختي الحزينه
بعد الجوع شبع
وبعد المرض عافيه
وبعد الفقر غنى
وبعد السجن حريه
وبعد الحزن فرح
وبعد الدمع ابتسامه
وبعد الكرب فرحه
وبعد العسر يسر
بعد العسر يسر
بعد العسر يسر يا اخواني
بعد العسر يسـر
اللهم اتنـا في الدنيا حسنـه وفي الاخره حسنه وقنـا عذاب النـآر
اللهم اجعل الدنيـا اخر همنا .. و الاخره كل همنـا
يا جامع يا جامع يا جامع..اجمع كل فتاه غير متزوجه بالزوج اللذي تتمناه اللذي يكون خيرا لها يارب..
يارب يا رزاق يا كريم يا معطي..اعطي كل محرومه الذرية الصالحة يارب..
يامفرج الهموم والكروب..يا عالم الاسرار..يا خالق الكون والعباد.. فرج هم كل مهمومه
يارب يارب يارب..فرج على بلاد المسلمين .. يارب فرج على بلاد المسلمين..وانصرنا على الظالمين .. والاعداء.. يارب العالمين
يارب ان اخرجنا من حلقه الضيق الى اوسع الطريق يارب
يارب احفظ والدينا يارب واجعلنا بارين بهم .. وارحم الاموات منهم
اللهم اغفر للمؤمنين والمؤمنات المسلمين والمسلمات الاحياء منهم والاموات
اللهم اجعلنا و والدينا وازواجنا واخواننا واخواتنا و ذريتنا ممن تشتاق الجنه لهم يارب وتبتعد فتن الدنيا عنهم يارب
اللهم اني استودعك سائر المسلمين يارب احفظهم يارب احفظهم
الا اله الا انت سبحانكـ اني كنت من الظالمين
لا اله الا انت سبحانك اني كنت من الظالمين
منقول للفائدة بتغيير بسيط مني دعواتكم لها االله يسعدها صاحبة الموضوع ودعواتكم لي بالشفاء وان الله يحفظ لي كل غالي يـــــــــارب ولكم بالمثل يارب 
دعواتكم لي بالشفاء اللهم طهر قلبي وبدني من كل مرض وعلل واحفظ لي كل غالي يــارب اللهم آمــــين يارب العالمين وكل من دعاء لي وقال آميــــــــــــــن
غاليتي المتالقة اختيار رائع موفق
من انسانة رائعة سلمت يداكي
ويعطيكي الف عافية دمتي لنا جميلة متالقة دائما
كل التحية والتقدير لكي عزيزتي
شـكــ وبارك الله فيك ـــرا لك … لك مني أجمل تحية .
جزاكى الله كل خير
وجعله فى موازين حسناتك 
يسلموعلى مروركم الغالى
يسلمو
يسلموعلى مرورك العطر
سلمت يداك ع الطرح الرائع والموضوع القيم
وًدىْ
الله يجزاك خير حبيبتي ويجعله في موازين حسناتكن5