تارت عين الجمل بالكراميل وصوص الشيكولاتة
عدد الاشخاص: 6
الوقت:
وقت التحضير : 15 دقيقة
وقت الطهي : 20 دقيقة
الوقت الكلى : 35 دقيقة
الادوات المستخدمه:
معلقة
طبق غويط
كوب
صينية
مضرب يد
قوالب التارت
المقادير
2 x كوب (240 مللى) دقيق
2 x كوب (240 مللى) عين جمل
1 ¼ x كوب (240 مللى) سكر (للكراميل)
1 x كوب (240 مللى) زبدة
1 x كوب (140 جرام) كريمة لبّاني
½ x كوب (240 مللى) سكر (للعجين)
½ x معلقة صغيرة فانيليا
¼ x كوب (240 مللى) عسل نحل
¼ x كوب (240 مللى) سكر بودرة
مقادير صوص الشيكولاته
1 x كوب (140 جرام) سكر
1 x كوب (240 مللى) لبن كامل الدسم
1 x كوب (140 جرام) زيت ذرة
½ x كوب (140 جرام) كاكاو
الخطوات
نسخن الفرن على درجة حرارة 180
في وعاء غويط هنضرب الزبدة و السكر بمضرب اليد لحد ما يتحول كريمة
نضيف البيض و الفانيليا و نستمر في الضرب
و بالتدريج نضيف الدقيق و نعجنه لحد ما يتحول لعجين
ندهن قوالب التارت بالزيت و نفرد العجين فيها بحيث ياخد شكل القالب و بعدين هنثقب العجين بالشوكة علشان ميرتفعش أثناء الخبز
نبدأ في عمل الكراميل..هنسخن حلة على نار عالية و بعدها نضيف عليه السكر و نسيبه يدوب تماما و يتغير لونه للون الذهبي بعدها نشيله من عل النار
هنضيف الكريمة و العسل و نقلبهم كويس
نضيف عليهم عين الجمل و نقلبهم و بعدين نسيب الخليط يبرد
نصب خليط الكراميل و عين الجمل في قوالب التارت و بعدين ندخلها الفرن لحد ما تستوي.. حوالي 20 دقيقة
بعد ما تطلع من الفرن هنسيبها تبرد. كده تمام..بالهنا و الشفا
نبدأ في صوص الشيكولاته
في وعاء أو في الخلاط اضرب كل المقادير جيدا للحصول على صوص الشيكولاته
بعد ما تطلع من الفرن هنسيبها تبرد و نضيف عليها خيوط رفيعة من صوص الشيكولاته مع رشة من سكر البودره
ملاحظات
ممكن نستخدم قوالب تارت بأحجام كبيرة
المصدر/ منتدى الأســرة > مطبخ نهر الحب – Kitchen