زين الخصايل مال عوده طراوي،
من يوم شفته ماحدى عنه القاف،
من يوم شفته صرت للوصف هاوي،
اشقر مكحل ساكن بوسط مشراف،
كالحر واقف شامخن بالعلاوي،
ابو العيون السود والرمش جراف،
والعود لعيون المخاليق غاوي،
والخشم والخدين والزلف رفاف،
ولا الشفايف عاد فيها البلاوي،
والعنق والرمان لصدر ضفاف،
والساق في عتم الدجى كان ضاوي،
جيته وشفته ياسعد بين الارياف،
ولاغير انا والزين كنا خلاوي،
يبرق ويرعد فوقنا المزن كشاف،
وفاح البختري والنفل بالصداوي،
ولمحت في عين الغلا هم وخلاف،
قلت شجرى عيني لحزنك تراوي،
قال الهجر قلت الهجر سيف هفاف،
قال الزعل قلت الزعل وش يساوي،
قال القدر قلت القدر حق ونصاف،
قال البخت قلت البخت مايخاوي،
قال الدهر قلت الدهر دوم خساف،
ايفرق العشاق وقت الرخاوي،
قال الهوى قلت الهوى صدق ينعاف،
من غير حبك ياحسين البهاوي،
الطف بحالي خلك اليوم لطاف،
لاتستمع قول العذول الرشاوي،
ومرن ثلاث شهور والبعد لواف،
وقلبي من الفرقى غدت له نعاوي،
وبعد الصبر جيته من الشوق بنياف،
الله وعلم كان وقت الضحاوي،
جيته وشفت الزين بالهرج لفاف
يالله تقطع كاتمين الخفاوي،
وقفى وانا دمعي على الخد ذراف،
وغديت من همي اخبط الخطاوي،
الله حسيبه يوم خلاني اخاف،
حب العذارى لابسات المزاوي،
واليوم شفت الزين للحب عياف،
وصدق كلام مزيفين الحكاوي،
واليوم حال البعد والبعد شلاف،
وصابت سهام اللي طعن بالقفاوي،
مما اعجبني
l
يسلمووو الاياادي
موفق بإذن الله … لك مني أجمل تحية .
الشوق ياخذني على زين الاوصاف،
تسل الانامل ياعسل 
يسلمو دياتك خيو
كثيرا ما أقرأ حروفك الطاغية
ولكنني أحيانا أجد عاجزه عن مجاراة قلمك
أو أن مدادي يكون قد أصابه جفاف.
فاعذرني إن قصرت في تقييم وتقدير حرفك
فمهما كتبت ستبقى شهادتي قاصرة في حقك
وبهامة قلمك.
لك الأبداع والتألق
فهنيأن لنا بك
وسلمت أن ملك ويمناك
وتقبل خالص ودي وشكري