الشعر عنوان الغرام ورسوله ,
دام الغلا من بين الأحباب عنوان++++والشعر عنوان الغرام ورسوله
بزخرف المعنا بلؤلؤ ومرجان++++عساه مايصعب عليها وصوله
وإن كان ماحطيت بالشعر له شان++++يحرم علي الشعر عرضه وطوله
ولا أقول تشبه بالحلا بنت لبنان++++الأ جميع الخلق ماهيب حوله
زين ودلال وهرج معسول بلسان++++ولها مع الأخلاق صوله وجوله
شارع تمره تنبت وروده ألوان++++وبيت تجي يفرش بغالي زلوله
لو ترسم بريشة مصوّر وفنان+++++ويحطها في متحفه صفقوله
ولو تدخل بصالة حفل فيه نسوان+++++تحس بالنسوان فيهن رجوله
ولو مثلت ويّا بطل دور زوجان++++++والله ليبطي ما نسى هالبطوله
ولو جت لبائع واقف عند دكان++++++يجوز ينسى سعر كيكه وفوله
ولو مرت العسكر بطابور الأركان+++++أمرهم الضابط سلام أرسلوله
ولو مرت ببغداد جيش المريكان++++++قالوا طريق السلم شفنا حلوله
ولو قالت إركد يا نجاد أحمد إيران+++++النووي بكره عن أرضه يزوله
ولو شافها عود على العشق شفقان+++وقام ومشى والله ليقلب نعوله
حبي لها أكثر من هل الصين وألمان++++والهند وإحصاء شعب في كل دوله
ويا ناس مهما أقول ماني بغلطان+++++++مير الزمن يا ناس يا كثر هوله
الوقت صعب ويفرق إنسان وإنسان++++++وعجزت أميز طلعته من نزوله
أقولها وأنا من البعد تعبان+++++++وضرف الزمن للبعد واضح ميوله
بس الأكيد أنساه مافيه نسيّان+++++لو الفراق يطول ويحول حوله
تسلم الايادي يا شاعر المنتدى
تقبل مروري
تسلمىىىى يا عاشقة
مرور رائع تسلمى يارب
تحياتى ألك
4 4 4 4 4 4 4 4 4 4 4
كلمات رائعة ذات احساس جميل
تسلم الايادى والانامل .. لك منى كل الود
يعطيك الف عافية تقبل مرورى