بداح العنقري كان من امراء ثرمداء … وكان رجل تاجر … وكانوا يجونه البدو كل سنه يشترون منه بالدين اغراضهم وحوائجهم وكان رجل آمين وخلوق وكريم وصاحب مروه وشهامه … وكان يديّن اللي يشترون منه الي السنه اللي بعدها يجون يشترون منه ويعطونه فلوسه الاوله ….
وحدى السنين جاه احد خوياه يشتري منه وكانت معه بنته مزيونه …. المهم ان بداح رحب بهم واكرمهم واشتروا منه ورجعوا لديارهم بالباديه ….وفـكر بداح الا ان يتزوج بنت صاحبه …
وفعلن عقب مامشوا منه وبعد كم يوم من مشيهم .. ويوم هقا انهم وصلو ديارهم شد على فرسه ولحقهم … ايام وليالي لاوالله الا هو واصلن عندهم …. فرح خويه بالحيل وهلا به واكرمه … وثاني يوم قال بداح لخويه انا جايك طالب ايد بنتك هيا … فقال ابرك الساعات وارخص لي اخذ راي البنت … فراح الابو ونشد بنته وبداح يسمع حيث ان صوتهم كان مسموع .. وقالها يابنتي بداح العنقري جاي يطلبك حليلتن له وش تقولين ؟؟ قالت البنت : هذا حضري .. خيال تصفيح مايصلح لي ولا أصلح له ….. سمع بداح كلام البنت … فجاء الابو مستحي وماتكلم .. قاله بداح ماله داعي الحيا والزواج قسمه ونصيب .. مير انت بيض الله وجهك وارخص لي هالليله ابي انام والصبح ابي امشي لاهلي…
المهم جاء الليل وعجز لا ينام بداح من القهر من اللي سمعه ان البنت ماتشوفه شي وانه ماهو شجاع ولا به خير .. فتمنى بس لو يجي موقف يقدر يثبت به وجوده ……..
المهم يوم اصبح الصبح مع الفجر .. يوم صاح الصياح …. الغزو الغزو …. اثاري قبيلة ,,,,,,, غازين وماخذين حلالهم .. فتفازعت القوم والحقوا الفضول وبداح قاعد ايتقهوى ماتحرك ابد (( لان الضيف مايلزمه شي )) فجته البنت هيا اللي كان يبيها تناظر له باحتقار وتقول حضري خيال نظره ….. حضري خيال نظره …. تعني انه بس مظهر ومحتقرته لانه مافزع مع القوم ………..
المهم وهم يلحقون الفضول واتشابك السيوف ويعجزون اهل الحلال لا يفكون حلالهم وهم يرجعون حول الضحى منكسرين وخايبين ولا ردوا شي …. وبهكاللحظات والناس والحريم كله طالعه تناظر الحال فقام بداح يوم شاف ان معازيبه انكسروا وقدام الكل والبنت تشوفه وركب فرسه وخذا رمحه وطنب يم ,,,,, يبي يرد الحلال لحاله ….. الناس استغربت والبنت اندهشت … وهو يلحق ,,,,,, وادخل بينهم واذبح واذبح والبخيت اللي نجا .. وهو يرجع بالحلال حروة العصر لحاله … وكانت الناس تستقبله كله …. واول ما اقبل يم الديره ومعه الحلال اركضت عليه هيا وقامت تهلهل مثل انه تعتذر منه وقابله الزواج به …. فركز رمحه عندها وقال :
الله أحـد يامـا غزيـنـا وجيـنـا
…………………………….. وياما ركبنـا حاميـات المشاويـح
ويامـا علـى اكوارهـن اعتليـنـا
…………………………….. وياما ركبناهن عصيـرن مراويـح
ويامـا تعاطـت بالهنـادي يديـنـا
…………………………….. وياما كسبنا من حـلال المصاليـح
وراك تزهـد يريـش العيـن فينـا
…………………………….. تقول خيال الحضر زين تصفيح ؟؟!!
الطيـب ماهـو بـس للضاعنيـنـا
…………………………….. قسّم علـى كـل الوجيـه المفاليـح
البـدو واللـي بالحضـر نازلينـا
…………………………….. كلن عطـاه الله مـن هبـت الريـح
يوم انجمر رمحي خذيـت السنينـا
…………………………….. واودعت عنك الخيل صم(ن) مدابيح
هيا عطينـا الحـق .. هيـا عطينـا
…………………………….. وان ماعطيتيـنـاه والله لا صـيـح
لاصيح صيحت من غدالـه جنينـا
…………………………….. والا خلوجـن ضيعـوه السواريـح
ياعـود ريحانـن بعـرض البطينـا
…………………………….. ومنين ماهب الهوا فـاح لـه ريـح
يابو نهيد(ن) تقل فنجان صينا
…………………………….. والا كما بيضن للمشقا ذوابيح
لاخـوخ لا رمـان لاطلع تينـا
…………………………….. ولا مشمش البصرة ولا هن تفافيـح
ويقولون بـعد القصيده مشى وخلاها ماتزوجها فقامت البنت من زود القهرالي فيها وحطت الرمح بصدرها وماتت قهر انها عيـبـت فـيه وهو رفـضهأ
يسلموو اخوي مااجد والله انها بقره البنت
خخخخخخخخخخخخخخخخخخخخخخخخخخ
تحيتي لك
اختك شرعا
قصه رائعه
والله انه رجل يوم انه خلاها
صح السانك
تحيتي
مــشـــكوره اخــتــي شــرعـــا عـلـى مـروركـ
صـح بـدنـك ومــشكوره اخـتـي الـثـريـا عـلـى مـروركـ
هههههههههههه يسلمو اخوي ماجد العتيبي وما قصرت
تحياتي
والله عجبني فيها
احسن شي انه خلاها
تستاهل
يعطيك العافيه
اخوي قصه روووووووووعه
بروعة حضوووورك
لا عدمناك
تحيتي لك ,,,,,,,,,,,,
الله يـــعافيك اخوي شبيه الورد ومشكوووور على مرورك ولكـ احـلى تــحيه (uu6
مــشكووور اخـوي خلاص عافك الخاطر على المـرور ولـك احلى تـحيـه (uu6
تـحـيـاتي
يسلمووووووووووووا على القصه
دمت بخير
هلا وغلا ..
قصةحلوه..
جـــــــــــــــــــــــــــــــالا
تسلم الايآإًَدى لـ طرح القصـة .
آرِق تحيآإًْتى . . . 