ثارت براكين الشجاعة بالابطـال
عاشوا محررة ارضها مع سماهـا
بالفعل ماهي بالحكاوي والاقـوال
صبوا على روس البـلاوي بلاهـا
هذا السعودي لانتخى الجال بالجال
لبـوا يسوقـون العمـار لثراهـا
تعطرت وديان خوبة باللي سـال
يوم العـدا قامـت تناثـر دماهـا
بالجـو نفاثـة وبالقـاع زلـزال
والله اكبـر يـوم دارت رحـاهـا
ومن السما حول مظلـي للاهـوال
حول كما حر نـزل مـن علاهـا
قمة شجاعة والشجاعة لها رجـال
قل للقصايد تفتخـر فـي عطاهـا
شفهم على حد اليمن صاروا جبال
درع الوطن والله بدرعـه حماهـا
وردوا على حياض المنايا بلا حبال
كلن يقول انـا الشهـادة عشاهـا
من حثحث الحوثي على الحد يغتال
قل له يموت الشعب كلـه فداهـا
الدولة اللي حكمهـا بيـد رجـال
ليا وقف ترجـع عداهـا وراهـا
تسلم ايدينك اخوي ابو جنا على القصيدة الرائعة
يستاهلون والله
لك مني كل الشكر
اسير الهمس
يستاهلون والله
لك مني كل الشكر
اسير الهمس
