——————————————————————————–
تتمة الموضوع:
أوا هني اللي علي النـفد نايـم … أمجاور نار الدفا من غضاها
<b>
قناص أو كشـات فوقـه عـزايم ….. ربعـه يدلـونه الي هو نـواها
تركت أنا الصمان والجوغـايم ….. قاصـد أبي الديرة وقلبي نواها
لقيت أنا المزيون والقلب صايم … عن الحرام اللي أبعد هواهـا
</b>
<b>
…. ربطنا السيارة وقلت لها هالمرة لا تركبين في السيارة لأني أخاف الواير ينقطع عكس .. بس خلي الموتر فاضي وثبتي الدرقسون وتركيه .. أنا الحين أمركب البكرة والبكرة تزود القوة .. السماء أمطرت والبرق فوق الرأس وأنا أتوكل على الله وأسحبه والحمد لله طلع ومن يوم طلع وركبن في موترهن والبرد يطيح علينا .. وأنا صرت في حوسة .. القزازة مكسورة والبرد دخل علي في الغمارة .. بس الحمد لله أن السحاب عنا جنوب شوي ولا طول المطر .. كل أجهزتي راحت من ماجلان وكنود وغيرة من المطر والطين بس الحمد لله أن الجماعة أطلعوا .. قلتلهن الحين طلعتو وقولولي القصة قالن حنا كاشتين مع أهلنا في شعيب (الشوكي) ورحنا أنتمشى بالسيارة نحسب الدعوى تمشي وضعنا ولا درينا الا وحنا في هالشعيب من العصر أمس ..
قلت ورطنا .. قالت السواقة ليه .. قلت الله يستر ما يكون الشوكي ماشي بقوة من ها لسحابة .. لكن مافي اليد حيلة مشينا .. قلت أنتم وين من الشوكي .. قالن ما ندري حنا في الشوكي وبس .. قلت حولكم شي غريب شي يلفت البال قالت اللي تصيح أيه حولن ( غار عليه باب مفكوك ) قلت بس عرفته مشينا .. المسافة ماهي بعيدة لكن المصيبة طين وسيل والسواقة أعليمية والموتر تماتيك .. وصلنا الشوكي على طلعة الشمس والحمد لله يمشي ومشيه ردي يعني الواحد يقدر يمشي فيه .. يوم قربت من أهلهم قلت لهم أهلكم باقي عليهم قرابة 500 متر الله يوفقكم .. أنا بروح مع درب ثاني سبحان الله الواحد يخاف من الظن لا قدر الله ..
قالت السواقة ما قصرت الله يعفيك بس أبي رقم جوالك قلت لية قالت بس .. وأقوم وأعطيها أياه وأنتفارق .. أنا من التعب والجوع وقفت في وحدة من الشعيبات وجلست أشب علي فطوري مع طلعت الشمس .. ما دريت الآ والجيو ب والصوالين اللي جاية يمي .. وقفو ونزلوا خمسة شباب وقالو لي أنت من طلع اليوكن قلت نعم .. قالو أمش معنا قلت وين قالو هناك تعرف .. ركبوني معهم .. وفيه وأحد منهم جمع أغراضي وساق سيارتي الين وصلنا .. نزلوني ثم دخلوني في وحدة من الخيام فيها شايب عليه أثار الخوف .. قال يا ولدي أنت من طلع بناتي وبنت أخوي قلت نعم .. قال وين قلت في المكان الفلاني .. قال يعني هن صادقات قلت نعم .. قال وأنت موترك أندمر من السحب والبرد قلت نعم .. قال وش تبي المكافأة قلت أبي سلآمتك بس .. قال لا .. أنت مثلك في هالديرة قليل .. قلت لا بل كثير قال: تقولي لا
</b>
….. من أنت يا لوح علشان تقولي لا .. مسك الدلة وضربني علي راسي
( وأنا أقوم من النوم وأتعوذ من الشيطان وأنقلب علي جنبي الثاني وأنام )
منقووووووووووول
ههههههههههههههههههه
اخرته حلم
الله يمخ رجك
يعطيك العافية
ههههه
هههههههههه
ههههههههههههههههههههه
انسجمت مع القصه
الله يمخ رجك
ههههههههههههههههههههههههههه
هههههههههههههههههه
وانا متابع واخره حلم
هههههههههههههه
يسلمووا
ههههههههههههههههههه
النوم سلطان ومشكوراخوي سندباد
على مرورك ويعطيك العافيه وتقبل
تحياتي ودمت بخير
ههههههههههههه
مشكوراخوي شبيه
الورد على مرورك والنوم سلطان
وتقبل تحياتي ودمت بخير
الله يسلمك اخوي عين الضبي
ومشكورعالمرور وتقبل تحياتي
ودمت بخير
تسلم الايآإْدى لـ طرح قصه مـن أروع الـقـصـص .
آرق تحيآ’تى . 