كيفكم انشاء الله تمام
والله حبيت انزل لكم باقي قصايد شاعر سعد بن جزاء الميموني (
)
بس كلها حزن الي يحب الحزن يجي عندي 
يالله مااطول عليكم اخليكم مع باقي القصائد
1-{ أمنية إني أموت}
كلن تمنى في حياته اماني
وانا اتمنى امنيه اني اموت ……!!
مظلوم في دنيا بها الله بلاني
عايش ولكن عايش انسان مكبوت ……!!
عايش يتيما ماعرفت الاماني
غصبا علي اقبل انا الظلم بسكوت ……!!
الحظ ضدي والبشر والزماني
بسبابهم همي بدا يلوتني لوت ……!!
حسره طوت قلبي وحزن طواني
الين حزني صار بالصدر منحوت ……!!
حتى حبيبي خان حبي وحناني
وحط بفمي علقم وانا مذوقه توت ……!!
خان المحبه صار شخصا اناني
وحرم علي حتى اتصل اسمع الصوت ……!!
مادام صرحي انهدم مع كياني
وش تنفع الصرخه اذا فايت الفوت ……!!
ايوب لو ساعه يكون في مكاني
ماكان في صبره ترا تكتب بيوت ……!!
الموت ارحم من حياتي اعاني
ولاظن فيه ارحم عليه من الموت ……!!
ياسعد قلبي كان موتي لفاني
ويازينها لا صار جسمي بتابوت ……!!
يارب حقق لي انا هالاماني
ارجيك يامنجي نبيك من الحوت ……!!
مادام مسموحه علينا الاماني
عندي امنيه وحده انا ودي اموت ……!!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
2-(تكفى ياموت زرني)
خلي هجرني تكفى ياموت زرني
وان ماقدرت دلني مكانك وانا اجيك
مابي حياتي دام خلي هجرني
مابي حياتي دامه يقول مابيك
يدري بظلم الناس يدري وظلمني
واكد كلام اللي يقولون ناسيك
لكن قبل لاتاخذ الروح مني
باسأل حبيبي كم سؤال واخاويك
وشلون قلبك ياحبيبي تركني
وتد ري بخفوقي كم له سنين هاويك
وماتدري بعادك وصدك ذبحني
وما تدري عن دمع نثرته وانا ارجيك
اسال جميع الناس وش صار عني
اسال وش اللي صار في حال مغليك
لوعلموك وش كثر همي وحزني
من يوم حبي انتهى وصار ماضيك
لو علموك عن قلبي اللي يوني
مطعون يصرخ يشتكيلك يناديك
لو عاش عاقل عيشتي كان جني
حالي لو تشوفه بعيونك يبكيك
صار الحزن هو لعبتي صار فني
ابكي ندم والله الى حل طاريك
ضيقت صدر ويا الهموم اسكنتني
احكي واكمل ولا ماقلت يكفيك
اللي سمعته بسبتك انت جتني
عطيتني كرهك وانا الحب معطيك
ضاعت سنيني وانا بالحب أبني
قصوور وانهدت سبب فعلت ايديك
جاك الوفا والحب والعشق مني
حتى الوله والشوق والصدق معطيك
قلبي وفالك وانت قلبك خدعني
خدعت قلب كان بالحب شاريك
بكذب وخيانه وغدر قلبك حضني
في وقت قلبي فيه يسهر يداريك
ماكنت أظن قصدك بحبك تذلني
ذليتني من بعد مامت انا فيك
هذي حقيقة بعض مامنك جتني
وبعض اللذي اسقيتني انت با ايديك
ماكنت ساكت خايف بس لاني
ميت بحبك ما أقدر ازعلك واشقيك
حرّمت اقولك من محبتك عطني
مادام غيري في محبته مرضيك
ببعد بعيد واوعدك ما احني
ابشر اببعد ومع حبيبك بخليك
خلصت هرجي الحين ياموت خذني
تاركلك الدنيا بها الله يهنيك
واذا سأل في يوم انا انسان عني
قله توفى والسبب طعن بيديك
،،،،،،،،،،،،،،،،،،،،،،،،،،،،،،،،،
3-(قلي بربك)
قـلــي بــربــك يابعد..عمر..مـغـلـيـك
وشلـون خنـت اللـي مـحـرم يخـونـك
وشلون هانت رجوتي يوم انا ارجيك
وشلـون هانـت دمعتـي فــي عيـونـك
وشلون بعت اللـي بهالنـاس شاريـك
قـلـي عـلامـك بـعـت نـــاسٍ يـبـونـك
قلـي بـربـك دامـنـي بـصـدق هـاويـك
وشلـون بحـيـا بـاقـي العـمـر دونــك
قـلـي بـربـك حـالـي الـيـوم يرضـيـك
طايـح جريـحٍ مــن سبـايـب طعـونـك
طـايــح جـريــحٍ انتخـيـبـك وانـاديــك
ودي تـقـول ابشر..حبيبي..ياعـونـك
واثـرك تقـول ابعـد انـا اليـوم مابيـك
وتــروح تتركـنـي بلـحـظـة جـنـونـك
وقــف قـبـل لاتــروح ربــي يخـلـيـك
دامـك رفضـت احيا..حيـاتـي بكـونـك
ارجـوك قبـري تحفـره اليـوم بيـديـك
يحـرّم عـلـي العـيـش يـازيـن دونــك
،،،،،،،،،،،،،،،،،،،،،،،،،،،،،،،،،،،
وبس اتمنى ان تنال رضاكم واعجابكم
تحياتي لكمـ،،
يسلمو عشقي ذوووووووووق حتى اختياااااااااارك
ننتظر جديييييييييييييييييييدك دووووووووووووم
تقبلي مرووووووووري
خيتو نزلت دموعي
تدرين حتى انا اتمنى امنيته
يمكن حالنا واحد
الله بالحااااااااال عليم
مشكوره
|
المشاركة الأصلية كتبت بواسطة شوق وكلي ذوق
 خيتو نزلت دموعي
تدرين حتى انا اتمنى امنيته يمكن حالنا واحد الله بالحااااااااال عليم مشكوره |
|
المشاركة الأصلية كتبت بواسطة شوق وكلي ذوق
يسلمو عشقي ذوووووووووق حتى اختياااااااااارك
ننتظر جديييييييييييييييييييدك دووووووووووووم |
شوق
مشكوره على مرورك
ياقلبي انسى مثل ماقالت
لك همووسه لاتفكري بشي
خليك معنا بالمنتدي واضحك
ونسي عمرك ياغلا
تحياتي لكـ
عشقي جنوني
عبارات بها من الجمال
بقدر الحزن الموجود بها
تصوير رائع يؤكد روعة الأنامل التي عبرت بالقلم
دمتِ بخير اليوم وكل يوم
تحياتيـ
صديقـ الاحزانـ
تسلم اخوي
اسعدني مرورك
تحياتي لكـ
هلا ومسهلا
عشقي جنوني
راقي جدا هذا النص
كلك ذووق وبانتظار جديدك المميز
تقبلوا ارق التحايااا ..
سااحر
اختيار رائع
يعطيك العافيه
تحيتي
|
المشاركة الأصلية كتبت بواسطة sahr al qloob
هلا ومسهلا
عشقي جنوني راقي جدا هذا النص كلك ذووق وبانتظار جديدك المميز تقبلوا ارق التحايااا .. سااحر |
ساحر القلوب
مرروك اسعدني
يعطيك العافيه
على مرورك
تحياتي لكـ
|
المشاركة الأصلية كتبت بواسطة الثريا
اختيار رائع
يعطيك العافيه تحيتي |
الثرريا
يسلمووعلى المرور
تحياتي لكـ