وين انت ياللي .. تذبح القلب بالشوق
ـــــــــ العقل من بعد ( اللقاء ) منك ما فاق
ليتك تحس بواقعي بس .. وتذوق
ــــــــــ من كاسك اللي منه ( نشفن ) الارياق
دنياي من دونك ترى مالها ( ذوق )
ـــــــــ خليتني عايش على ( حد ) الارهاق
إليا متى .. ببقى اطالبك بحقوق
ــــــــــ متشوف كل الكون .. في غيبتك ضاق
وراك كني تايه الدرب .. ملحوق
ــــــــــ خايف تكون .. إنهاية الحب لفراق !!يكفي عذاب اللي ( غدا ) منك محروق
ــــــــــ غيرك وربي بالبشر ما بعد .. لاق
جيتك جروح .. وباقي .. الحال مسروق
ــــــــــ من سِـبّـتك ضاقت بي ( افجوج ) وآفاق
انا دخيلك .. تفهم الوضع برفوق
ــــــــــ ما عاد صبري لو تصورت .. ينطاق !!
تعال بعدك حالتي كلها .. عوق
ــــــــــ عقبك ودربي بالهوى صار .. منعاق
تدري مكانك ( غايتي ) دايما فوق
ـــــــــ فيك انولد ( حلمي ) وكبرن الاشواق
تاخذني ايامك .. لها حيل واتوق
ـــــــــ دامك هناي .. ورغبتي .. ليه مشتاق
لو تطلب اسنين العمر .. جاتلك سوق
ــــــــــ والروح لجلك دايم الدوم .. تنساق
في عيني اكبر .. من ( غلا ) كل معشوق
ــــــــــ مثلي لحبك ماعتقد ( مر ) عشاق
متى تجيني .. تطلب القرب وتروق
ــــــــــ ونهيم ساعة كلها ( ضم _ وعناق )
والله ما ياصل غلاك اي ( مخلوق )
ــــــــــ وحدك سكنت بداخلي ( وسط الاعماق )
__________________
اتمنى انها نالت على اعجابكم
تراها ملتوووشهــ لعنووونكمــ بسـ
سيدتي دلع الشرقيه
صح لسانك يالغلا ولاهنتي كلمات في غاية الروعه
والجمال واحساس راقي يحمل في طياته الكثير من
معاني الحب الجميله, ننتظر ابداعاتك القادمه.
دمتي سيدتي
ودلم ابداعك
مشكوووووووور الله يعطيك العافيه
يسلموووو
على رقي الكلمااااااات
تحيتي لكـ
يسلموو حبي ع المرور
دلع مشكوره يا قلبي على هالابيات الراقيه
دمتي متالقه بروعة اختيارك
اختك دمعة نهر
دلع الشرقيه
حروف وكلمات عطره نثرت هنا
ونص راقي قد تساقطت عليه أزهار المساء
سلمت لنا أناملك وننتظر جديدك
دمتِ بود
تحياتيـ
[IMG]https://up5.*********/photos/00351/roac5cbj8jft.jpg[/IMG]
الف الف شكر لك اخوي ع المرور
الله لايحرمنا منك ومن ردوك